साहित्य
१ वाटी शिजवलेला भात (उरलेला असेल तर उत्तम)
१ टे. स्पून डाळीचे पीठ
१ टे. स्पून तांदळाचे पीठ
१ कांदा चिरुन
१/२ वाटी मक्याचे दाणे/मटार/गाजराचे तुकडे (जे असेल ते)
आलं, लसूण, मिरची पेस्ट
कोथिंबीर
कृती
१. शिजलेला थंड भात हाताने चांगला कुस्करुन घ्या.
२. त्यात बारीक चिरलेला कांदा, बारीक चिरलेले गाजराचे तुकडे, वाफवलेले मटार, मक्याचे दाणे आणि कोथिंबीर घाला.
३. आलं, लसूण, मिरची पेस्ट, मीठ घालून कालवा.
४. आता मिश्रणाला घट्टपणा येण्यासाठी डाळीचे व तांदळाचे पीठ घाला. पाणी वापरायची गरज नाही
५. कढईत तेल तापत ठेवा
६. तेल तापले की हाताला थोडे पाणी लावून चपटे वडे थापून खुसखुशीत तळून घ्या.
७. हिरवी चटणी आणि सॉस बरोबर सर्व्ह करा.
फोटो सहकार्य - मृण्मयी
